PHOTO: მომენტი, რომელიც ყველას გამორჩა - მსაჯის უცნაური ქმედება საქართველო-პორტუგალიის მატჩში

2-07-2024, 12:16

Aa Aa

გაზიარება:

მოგეხსენებათ, ევროპის ჩემპიონატის ჯგუფური ეტაპის ბოლო შეხვედრაში საქართველოს ნაკრებმა პორტუგალია 2:0 დაამარცხა და მერვედფინალში გავიდა, სადაც ესპანეთთან 4:1 დამარცხდა.

შეხვედრის 28-ე წუთზე, კრიშტიანო რონალდომ მსაჯთან კამათის გამო ყვითელი ბარათი მიიღო. აღნიშნულ მომენტში ერთი შეხედვით უცნაური არაფერია, თუმცა, მატჩის მთავარმა არბიტრმა სანდრო შარერმა ყოველივე ეს ხელზე მოინიშნა - როგორც წესი, მსგავსს შენიშვნებს მსაჯები ბლოკნოტში ინიშნავენ ხოლმე.

უნდა აღინიშნოს ისიც, რომ შარერი ამგვარად პირველად არ მოქცეულა. მსგავსი რამ შვეიცარიელმა მსაჯმა გასულ სეზონში, ჩემპიონთა ლიგის ჯგუფური ეტაპის შეხვედრაშიც (ინტერი-სოსიედადი) გააკეთა, რისი ამსახველი კადრებიც სოციალურ ქსელში ვირუსულად გავრცელდა.