ბოლო დროს ინტერნეტ სივრცეები ვინისიუს ჟუნიორის გოლის აღნიშვნამ, კერძოდ, ცეკვამ მოიცვა. ბევრი საფეხბურთო სამყაროსთან დაკავშირებული ფიგურა ბრაზილიელს აკრიტიკებს ამ ქმედების გამო, ზოგიც კი მადრიდის რეალის ერთ-ერთ ლიდერს საჯაროდ იცავს.
22 წლის ფეხბურთელის ამ ქმედებას, ესპანეთის აგენტთა ასოციაციის პრეზიდენტი, პედრო ბრავო გამოეხმაურა, რომელმაც ამის შესახებ საჯაროდ ისაუბრა და განაცხადა:
"ვინისიუსმა მეტოქეებს პატივი უნდა სცეს. თუ ცეკვა უნდა, შეუძლია სამშობლოში წავიდეს და იქ იცეკვოს. ესპანეთში კი მეტოქე გუნდის ფეხბურთელებს პატივი უნდა სცეს და მაიმუნივით მოქცევა შეწყვიტოს" - განაცხადა ბრავომ.
რა თქმა უნდა, ამ განცხადებას სოციალურ ქსელში ბევრი კრიტიკა მოჰყვა. თავად პედრომ კი ამ ყველაფერზე ბოდიში მოიხადა.