ბოლო დღეების განმავლობაში აქტიურად იწერებოდა იმის თაობაზე, რომ არაბული კლუბები ლუკა მოდრიჩის გადაბირებას აპირებდნენ, თუმცა, უკვე დადასტურებული ინფორმაციაა, რომ 37 წლის ნახევარმცველი არსად წასვლას არ აპირებს.
როგორც გაირკვა, ალ-ჰილალმა მოდრიჩს 3-წლიანი კონტრაქტი 200 მილიონი ევროს ოდენობით შესთავაზა.
მოდრიჩსა და რეალ მადრიდს შორის არსებულ კონტრაქტს ვადა ამ ზაფხულს გასდის, თუმცა, მედიაში გავრცელებული ინფორმაციის თანახმად, მხარეები ხელშეკრულებას კიდევ 1 წლით გაახანგრძლივებენ.