კვირას, თბილისის დროით 22:45 საათზე ხვიჩა კვარაცხელიას ნაპოლი საკუთარ მოედანზე მილანს დაუპირისპირდება.
მატჩამდე ორი დღით ადრე ცნობილი გახდა, რომ ტრავმის გამო ლუჩანო სპალეტის გუნდს ვიქტორ ოსიმენი დააკლდება, რომელიც ხვიჩასთან ერთად მიმდინარე სეზონში ნაპოლის მთავარი დამრტყმელი ძალაა.
როგორც იწერება, 24 წლის ნიგერიელ ფორვარდს საზარდულის ტრავმა აქვს და უცნობია, როდის დაუბრუნდება მოედანს.
ცნობისთვის, ნაპოლი იტალიის სერია ა-ს 71 ქულით ერთპიროვნულად ლიდერობს და მეორე ადგილზე მყოფ ლაციოს 19 ქულით უსწრებს.