შემოგვიერთდით

მაკრეგორი: "თოფურია ჯანდაბაშიც წასულა, მას ჩემპიონს ნუ უწოდებთ!"

21-05-2024, 13:30

Aa Aa

გაზიარება:

UFC-ის ქვემსუბუქი წონითი კატეგორიის ქართველმა ჩემპიონმა, ილია თოფურიამ ამავე წონითი კატეგორიის ყოფილ ჩემპიონ, კონორ მაკგრეგორთან ბრძოლის სურვილი არაერთხელ გამოთქვა. "მატადორმა" ექს-ჩემპიონი ესპანეთში საბრძოლველადაც კი გამოიწვია, მაგრამ ირლანდიელისგან პასუხი არასოდეს მიუღია.

ახლახანს კი კონორს Kick-ზე ქართველის შესახებ ჰკითხეს, რაზეც ლეგენდარულმა სპორტსმენმა უპასუხა:

"ილია თოფურიას ჯანდაბამდე გზა ჰქონია. ის ჩემთვის ჩემპიონი არ არის. ახლა ქამარს ფლობს, მაგრამ ეს პირადად ჩემთვის არაფერს ნიშნავს. თოფურია ჩემში ვერანაირ დაინტერესებას ვერ იწვევს. მე ის არც კი მაინტერესებს. კამარუ უსმანი? მისი დედაც. ნამდვილი ნაგავია".

აქვე მოგახსენებთ, რომ მაკგრეგორს 2021 წლის შემდეგ ბრძოლა არ ჩაუტარებია. მისი მომავალი მეტოქე კი მაიკლ ჩენდლერია, რომელსაც UFC 303-ზე 30 ივნისს უნდა დაუპირისპირდეს. ილია თოფურიას მომდევნო ბრძოლის თარიღი და მეტოქის ვინაობა კი ჯერჯერობით უცნობია.