"მის გამო ბედნიერი ვარ" - ლიონის მწვრთნელმა მიქაუტაძე შეაქო

17-02-2025, 13:35

Aa Aa

გაზიარება:

საფრანგეთის ლიგა 1-ის რიგით 22-ე ტურში გიორგი მიქაუტაძის ლიონმა მონპელიეს უმასპინძლა და მეტოქე 3-ბურთიანი სხვაობით, 4:1 დაამარცხა.

აღნიშნულ შეხვედრაში პირველი გოლი სწორედ ქართველმა თავდამსხმელმა გაიტანა, რომელზეც მატჩის შემდეგ ლიონის თავკაცმა დადებითი კომენტარი გააკეთა.

გიორგის გამო ბედნიერი ვარ. ის ბოლო ორ შეხვედრაში ძალიან ბევრს შრომობდა და გოლის გატანაც დაიმსახურა. ჩემთვის ძალიან კარგია ლაკაზეტსა და მიქაუტაძეს შორის არსებული კონკურენცია, რადგან ამ ორ ფეხბურთელში მხოლოდ ერთის არჩევა ძალიან მიჭირს.

- თქვა პაოლო ფონსეკამ.

ცნობისთვის, გიორგი მიქაუტაძეს ლიგა 1-ის მიმდინარე სეზონში 6 გოლი აქვს გატანილი.