FICHAJES: "მრავალმხრივი და გაუწონასწორებელი თავდამსხმელი "რეალში?" - კვარაცხელიაზე ესპანელები წერენ

ენფილდზე მარცხის შემდეგ, ჭორები კვლავ გაძლიერდა "რეალის" შემადგენლობის შევსებაზე, თუმცა "მერენგები" ამჟამად ზამთრის სატრანსფერო ბაზარზე გასვლას მაინც არ გეგმავენ, ამასთანავე, კარლო ანჩელოტის გათავისუფლების შესახებ ახალი ჭორები გავრცელდა, სადაც სანტიაგო სოლარი "საგანგებო გამოსავალია".

ეს სპეკულაციები ახალი არ არის, მაგრამ მარცხის შემდეგ მოსალოდნელი იყო. ისევე როგორც სხვა ჩვეულებრივი ინფორმაცია მადრიდულ გუნდსა და სხვა მოთამაშეებთან დაკავშირებით, რომლებიც ამ შემთხვევაში "ბლანკოსის" ინტერესის ქვეშაა.

Mediaset Italia გვამცნობს, რომ 23 წლის ქართველი შესაძლოა იყოს მადრიდელთა სამიზნე, ეს სავარაუდოა იმის გამო, რომ "ნაპოლის" სირთულეები აქვს თავისი ვარსკვლავის კონტრაქტის გახანგრძლივებაში, რომელიც ამ სეზონში 12 მატჩში 5 გოლს და 2 საგოლე გადაცემის ავტორია.

"მრავალმხრივი და გაუწონასწორებელი თავდამსხმელი, რომლისთვისაც სერია ა-ს ლიდერები მინიმუმ 100 მილიონ ევროს ითხოვენ, თუ მათ გაყიდვის გარდა სხვა გზა არ ექნებათ. თუმცა, იმის გათვალისწინებით, რომ ის ძირითადად იმ ზონებში მოძრაობს, რომელსაც ახლა ვინიციუს ჟუნიორი და კილიან მბაპე იკავებენ, ნაკლებად სავარაუდოა, რომ ის რეალური მიზანი იყოს." - ვკითხულობთ სტატიაში.