"მიქაუტაძემ პატარა სპექტაკლი მოაწყო, ლიონის ფესტივალი აზერბაიჯანში" - ცნობილი გამოცემები

ევროპა ლიგაზე "ყარაბაღმა" ტოფიქ ბაჰრამოვის სახელობის სატდიონზე მიქაუტაძის "ლიონს" უმასპინძლა.

ფრანგებმა შეხვედრა 4:1 მოიგეს, მიქაუტაძემ კი ორი გოლი გაიტანა.

L'Équipe: "ფორვარდი, რომელმაც ყველაფერი მარტივად და მშვიდად გააკეთა. მისი ოსტატობით, რეალური სახე დავინახეთ და დუბლის გარდა, ის ცენტრიდან კარგი პასებით გამოირჩა"

Eurosport: "მიქაუტაძემ ნამდვილი გასართობი მოაწყო, ბრწყინვალე მატჩი ჰქონდა და დუბლის გარდა, ლიონის ბოლო გოლში მიიღო მონაწილეობა"

RMCSport: "ლიონის ფესტივალი აზერბაიჯანში, მიქაუტაძის შოუ.

ქართველმა თავდამსხმელმა, რომელსაც ევროპულ არენაზე გოლი ჯერ არ გაუტანია, ევროპის ლიგაში თავისი გოლების ათვლა დაიწყო.

80-ე წუთზე მიქაუტაძემ პატარა სპექტაკლი მოაწყო და შეხვედრას სრულიად განსხვავებული სახე მისცა. საჯარიმოში მოხვედრის შემდეგ, ქართველმა ფეხბურთელმა ერთი მცველი ცრუმოძრაობის საშუალებით გაიარა. მეორე ფინტით მან ყარაბაღის მეკარე მიწაზე დააგდო და მშვიდად, მარტივი დარტყმით გაიტანა "

- წერენ ცნობილი გამოცემები მიქაუტაძეზე.