"რეპუტაცია უნდა აღვიდგინოთ, მჯერა საქართველოს დავამარცხებთ" - ჩეხეთის ნაკრების მწვრთნელი

18-11-2024, 17:08

Aa Aa

გაზიარება:

ხვალ, ერთა ლიგის ჯგუფური ეტაპის დასკვნით შეხვედრას საქართველოს ნაკრები სტუმრად ჩეხეთის წინააღმდეგ გამართავს.

მატჩამდე, მასპინძელთა მთავარი მწვრთნელი ივან ჰაშეკი ოპტიმისტურადაა განწყობილი და 3 ქულის მოპოვებას გეგმავს.

"ჯგუფში სიტუაცია ჩვენს ხელთაა, რის გამოც მჯერა, ბოლო მატჩში ჩვენსას მივაღწევთ და პირველ ადგილზე გავალთ.

მართალია თბილისში წავაგეთ, მაგრამ ახლა საქართველოსთან რეპუტაცია უნდა აღვიდგინოთ - საქართველო ალბათ დაცვით ტაქტიკას აირჩევს ალბანეთის მსგავსად და კონტრშეტევებზე ითამაშებს.

უზომოდ მოტივირებულები ვართ, პლუს სახლში ვთამაშობთ და მჯერა გულშემატკივრების დახმარებით დიდ გამარჯვებას ვიზეიმებთ", - განაცხადა ჰაშეკმა.