ოფიციალურად - ხვიჩა კვარაცხელიას ახალი კონტრაქტი შესთავაზეს

იტალიელმა ჟურნალისტმა, ფაბრიციო რომანომ ამ წუთებში დაადასტურა, რომ ნაპოლიმ ხვიჩა კვარაცხელიასთვის ახალი კონტრაქტი ოფიციალურად მოამზადა.

როგორც ინსაიდერი ამბობს, ახალი ხელშეკრულებით ქართველი ფეხბურთელი წლიურად 5-6 მილიონ ევროს აიღებს, ამავე საკითხზე სასაუბროდ კი მხარეები მაგიდას უახლოეს კვირებში მიუსხდებიან.

აღსანიშნავია, რომ ხვიჩა კვარაცხელიას გარემოცვას სულ სხვა მოთხოვნები ჰქონდა. ქართველს სურს, რომ წლიურად თითქმის ორჯერ მეტი, 8-9 მილიონი ევრო აიღოს და წესით, ხვიჩას სპორტულმა აგენტმა ეს საკითხი დე ლაურენტისს ხელმეორედ უნდა წარუდგინოს.

სხვათა შორის, ნაპოლის პრეზიდენტმა კვარაცხელიას შესაძლო გაშვებასთან დაკავშირებით ნათლად თქვა, რომ ქართველის ჩანაცვლებას მომავალში ჩვეულებრივ მოახერხებენ, რადგან ნაპოლის ძლიერი მოთამაშეების დანაკლისი აქამდეც აღუდგენია.

შესაბამისად, რამდენად გაითვალისწინებს დე ლაურენტისი კვარაცხელიას გარემოცვის მოთხოვნებს ხელფასის ზრდასთან დაკავშირებით, ამას გარშემო დიდი კითხვის ნიშანი აკრავს.