შემოგვიერთდით

იოსებ ტყემალაძე: "საამაყოა, როდესაც ტიერ1-ის გუნდს ასეთ თანაბარ ბრძოლას უმართავ"

18-11-2024, 14:10

Aa Aa

გაზიარება:

ბორჯღალოსნები იტალიის ზედიზედ მეორედ დამარცხებასთან ძალიან ახლოს იყვნენ, მაგრამ პირველ ტაიმში მოპოვებული 11-ქულიანი უპირატესობა ვერ შეინარჩუნეს და მასპინძლებმა უმძიმეს ბრძოლაში 20:17 გაიმარჯვეს.

მატჩის შემდეგ კომენტარი რაგბის კავშირის პრეზიდენტმა, იოსებ ტყემალაძემაც გააკეთა.

"მადლობა ბიჭებს თავგანწირული ბრძოლისთვის. მათგან ვიხილეთ საოცარი შემართება და თავგანწირვა ურთულეს გუნდთან, რომელიც ბოლო ორი წელია საუკეთესო თამაშს აჩვენებს და ტიერ1-ის ისეთი გუნდები დაამარცხა, როგორებიც ავსტრალია, უელსი და შოტლანდია არიან, ფრანგებს კი ფრედ ეთამაშა. ასეთი სამწუხარო შედეგის მიუხედავად, იტალიასთან თამაშმა ქართული რაგბის წინსვლა აჩვენა. ნამდვილად საამაყოა, როდესაც ტიერ1-ის ქვეყნის გუნდს მისსავე მოედანზე ასეთ თანაბარ ბრძოლას უმართავ. ვერ მოვიგეთ, მაგრამ იტალიას თავაწეულები ვტოვებთ და ველოდებით შემდეგ თამაშს", - განაცხადა იოსებ ტყემალაძემ.