ერედივიზიონის მეოთხე ტურში აიაქსმა გასვლაზე სიტარდთან უგოლო ფრე ითამაშა და სახლში 1 ქულით ბრუნდება.
ამ მატჩში შედგა ქართველი ფეხბურთელის, გიორგი მიქაუტაძის დებიუტი, რომელმაც შეხვედრა პირველივე წუთებიდან დაიწყო და 90 წუთი სრულად ითამაშა. 22 წლის შემტევი ძირითადად პასიური იყო, თუმცა გიორგის 1-2 რეალური შანსიც ჰქონდა, თუმცა მეტოქის კიპერმა იდეალურად ითამაშა.
აღსანიშნავია აიაქსის თამაშის ხარისხიც, რომელიც ნამდვილად არ იყო იმედის მომცემი გულშემატკივრებისთვის.
თამაშის დასრულების შემდეგ Sofascore-მა ფეხბურთელები ჩატარებული მატჩის მიხედვით შეაფასა - მიქაუტაძემ შეფასების სახით 6.2 ქულა დაიმსახურა, რომელიც ყველაზე დაბალი შედეგი გახლდათ ნიდერლანდური გრანდის რიგებში.