ფეისბუქ გვერდ, 90 წუთის ინფორმაციით, კრისტიან ძაკარდო, რომელმაც მნიშვნელოვანი სამუშაო გასწია კვარასა და ნაპოლის ურთიერთობაში, ივნისში, საქართველოში გასამართი 21-წლამდე ნაკრებების ევროპის ჩემპიონატზე ჩამოვა და ქართული ბაზრის უკეთესად აღსაქმელად, საქართველოს 21-წლამდე ნაკრების ფეხბურთელებს დააკვირდება.
შეგახსენებთ, ცოტა ხნის წინ იტალიურ გამოცემა La Gazzetta dello Sport-თან მიცემულ ინტერვიუში, კრისტიან ძაკარდომ განაცხადა, რომ იტალიაში თამაში ხვიჩას გარდა სხვა ქართველ ფეხბურთელებსაც შეუძლიათ:
"ხვიჩა კვარაცხელიას გარდა, საქართველოში სხვა ნიჭიერი ფეხბურთელებიც არიან, რომლებსაც იტალიაში თამაში შეუძლიათ, მხედველობაში უკვე მყავს რამდენიმე. მაგალითად, ზაფხულში ვაპირებ, რომ 21-წლამდე ევროპის ჩემპიონატზე საქართველოს ნაკრებს დავაკვირდე, რომელშიც არაერთი ტალანტი თამაშობს, მათ განსაკუთრებულ ყურადღებას დავუთმობ." - თქვა კრისტიან ძაკარდომ.