შემოგვიერთდით

სპალეტი: “ეს გამარჯვება მომდევნო მატჩებისთვისაც მნიშვნელოვანი იყო”

8-04-2023, 12:00

Aa Aa

გაზიარება:

გუშინ იტალიის სერია A-ს 29-ე ტური გაიხსნა და “ნაპოლიმაც” გამართა თავისი შეხვედრა. “პარტენოპეი” “ლეჩეს” ესტუმრა და დაძაბულ ბრძოლაში ანგარიშით 2-1 იმარჯვა.

შეხვედრის შემდგომ სტუმართა მთავარმა მწვრთნელმა, ლუჩიანო სპალეტიმ განაცხადა, რომ ამ გამარჯვებას დიდი დატვირთვა გააჩნდა:

“ეს გამარჯვება მომდევნო მატჩებისთვის მოსამზადებლად მნიშვნელოვანი იყო. გუნდს სწორი სულისკვეთება ჰქონდა ძალიან რთულ შეხვედრაში. გამარჯვების სურვილი გვქონდა. მიუხედავად იმისა, რომ იდეალურად არ გვითამაშია, წარმატებას მივაღწიეთ. ეს მოგება გვაძლევს მილანთან მატჩისთვის მშვიდად მომზადების საშუალებას.

ოსიმენის შემთხვევაში ექიმები სწორად მოიქცნენ, რადგან სეზონის დარჩენილი ნაწილის წინ გარისკვა არ ღირდა. ჯერჯერობით, მსუბუქად სირბილს ახერხებს, მაგრამ გვჯერა, რომ მილანთან მატჩისთვის მზად იქნება.”

მომდევნო მატჩს სამხრეთიტალიელები “მილანის” წინააღმდეგ ჩემპიონთა ლიგის მეოთხედფინალში გამართავენ.