ფედე ვალვერდემ ესპანურ მედიასთან მიცემულ ინტერვიუში მადრიდის "რეალის" ნახევარმცველების გამორჩეულ თვისებებზე ისაუბრა და განაცხადა:
"თითოეულ ჩვენგანს აქვს კარგი თვისებები, უნიკალური და განსხვავებული. ტონი კროოსს შეუძლია ბურთით სიმშვიდე უზრუნველყოს. ლუკა მოდრიჩს აქვს ის - ჯადოსნური პასი, რომელიც ჩვენ გვჭირდება. მე შემიძლია მოვიტანო ენერგია, სიჩქარე და ძალა. აურელიენ ჩუამენი კი იდეალური დაცვის გარანტიაა, ის ყველაფერს ასუფთავებს." - განაცხადა ურუგველმა.
ასევე მნიშვნელოვანია აღინიშნოს ისიც, რომ ეს თვისებები სრულყოფილად ავსებს ერთმანეთს. ამიტომ გასაკვირი არ არის, რომ ყველა შეხვედრაში კარლო ანჩელოტი ამ ოთხ ფეხბურთელს ერთად ათამაშებს (ვალვერდეს ხშირად მარჯვენა ფლანდზე გადასვლით).