შემოგვიერთდით

ზურიკო დავითაშვილი სერია A-ში | ქართველი ტურინულ კლუბში გადადის?

11-12-2022, 20:15

Aa Aa

გაზიარება:

საქართველოს ნაკრების შემტევის, ზურიკო დავითაშვილის ბორდოში ნაჩვენებ სათამაშო ხარისხს ეხმაურება იტალიის ჩემპიონატის გულშემატკივართა საიტი - CORRIEREGRANATA.IT, რომელიც ტორინოს ხელმძღვანელობას ურჩევს, რომ ქართველი ფეხბურთელი შეიძინონ და შეტევა სწორედ ამ კუთხით განავითარონ:

"ყველამ კარგად იცის, თუ რამხელა გავლენა იქონია ხვიჩა კვარაცხელიამ ნაპოლის წარმატებაზე, ის სერია A-ს მიმდინარე სეზონის ერთ-ერთი მთავარი აღმოჩენა და სიურპრიზია. სწორედ ასეთივე შეიძლება იყოს მისი თანამემამულე ზურიკო დავითაშვილი, რომელსაც ძალუძს, რომ ტორინოს მთავარი მწვრთნელის საჭადრაკო დაფის მარჯვენა შემტევის როლი მოირგოს."

[b]"ზურიკო დავითაშვილს კვარაცხელიას მსგავსად შეუძლია მეტოქის ნახევარზე მომენტების გამწვავება. ასევე, მას მეტოქის მოტყუება და დარტყმაც მშვენივრად გამოსდის. იმის გათვალისწინებით, რომ მისი საბაზრო ღირებულება სულ რაღაც 2 მილიონია, ეს ფასი ტორინოს ფინანსურ შესაძლებლობებს ნამდვილად შეესაბამება. ზურიკო დავითაშვილი ისეთი საფეხბურთო თვისებების მქონე ფეხბურთელია, რომელთა კარგ მწვრთნელთან ინტეგრაციის პირობებში, მას ბრწყინვალე მოთამაშედ ჩამოყალიბების შანსი აქვს."