ტეო ერნანდესმა შესაძლოა კარიერა საუდის არაბეთში გააგრძელოს

31-05-2025, 14:36

Aa Aa

გაზიარება:

„მილანის“ ფრანგი მცველი, ტეო ერნანდესი, შესაძლოა გუნდის რიგებში აღარ დარჩეს. ბოლო დროის ცნობებით, 27 წლის ფეხბურთელი „როსონერის“ სამომავლო გეგმებში აღარ ფიგურირებს, რაც კლუბში მნიშვნელოვანი ცვლილებების მოლოდინზე მიანიშნებს.

იტალიური მედიის ინფორმაციით, ტეოს გადაბირების სურვილი საუდის არაბეთის გრანდს, ალ-ჰილალს აქვს. კლუბი მზად არის სოლიდური წინადადება შესთავაზოს როგორც თავად ფეხბურთელს, ასევე „მილანს“, თუმცა ოფიციალური შეთავაზება ჯერჯერობით არ გაჟღერებულა და გარიგების დეტალები უცნობია.

ტრანსფერის შესაძლებლობა არაბეთის კლუბში ფეხბურთელისთვის კარიერული და ფინანსური თვალსაზრისითაც მნიშვნელოვანი ნაბიჯი შეიძლება აღმოჩნდეს. თუმცა საბოლოო გადაწყვეტილება ჯერ მიღებული არ არის და მხარეები მოლაპარაკებების პროცესში იმყოფებიან.