ბურჯანაძე კორუნაში საუკეთესო იყო, მისი გუნდი კი ბარსელონაში დამარცხდა

4-11-2024, 11:32

Aa Aa

გაზიარება:

ბექა ბურჯანაძემ ბარსელონაში შედეგიანად ითამაშა. ის თავის გუნდ “ლეიმა კორუნაში” საუკეთესო იყო, თუმცა ესპანეთის ჩემპიონატის დებიუტანტი კალატლონიურ გრანდთან უშანსოდ დამარცხდა – 80:106.

პირველი პერიოდის შემდეგ ბურჯანაძის გუნდს იმედი ჰქონდა და არცთუ უსაფუძვლო, რადგან 7 ქულით ლიდერობდა, თუმცა დარჩენილ დროში ბარსელონა დიდ უპირატესობას დაეუფლა და გამარჯვებამდეც იოლად მივიდა.

ბურჯანაძემ არასრულ 19 წუთში 12 ქულა, 7 მოხსნა და 2 პასი მიითვალა. ქართველმა კალათბურთელმა 6-დან 6 ორქულიანი ჩააგდო, 1 სამქულიანი ააცილა, ხოლო საჯარიმო არ უსვრია. ის საერთო სარგებლიანობით თავის გუნდში საუკეთსო იყო.

ლეიმა კორუნია 6 ტურის შემდეგ 2 მოგებით და 4 წაგებით მე-14 ადგილზეა, ხოლო მომდევნო ტურში 10 ნოემბერს, გიორგი შერმადინის ტენერიფეს უმასპინძლებს.

gbf.ge