ჩემპიონთა ლიგაზე დღის ცენტრალური დაპირისპირება სანტიაგო ბერნაბეუზე გაიმართება, სადაც ადგილობრივი რეალი დორტმუნდის ბორუსიას უმასპინძლებს.
პირველი ორი ტურის შემდეგ მადრიდელებს 3 ქულა აქვთ და გათამაშების ცხრილის მე-17 პოზიციაზე არიან, დორტმუნდი კი პირველ ადგილს 6 ქულით და ბურთების საუკეთესო შეფარდებით იკავებს, - 10:1.
ბოლოს ეს ორი კლუბი ჩემპიონთა ლიგის უკანასკნელ ფინალში შეხვდნენ, სადაც კარლო ანჩელოტის გუნდმა მეტოქე 2:0 დაამარცხა და მორიგ ტიტულს დაეუფლა.
დანაკლისის სახით, პრობლემა ორივე გუნდს აქვს. მასპინძლებს გამოცდილი დანი კარვახალი არ ეყოლებათ, დორტმუნდს კი წინა ტურში ჰეთ-ტრიკის ავტორი კარიმ ადეიემი დააკლდება.