რამდენიმე საათის წინ ლეგენდარულმა ჩოგბურთელმა, როჯერ ფედერერმა საჩოგბურთო სამყაროდან წასვლის შესახებ გადაწყვეტილება ოფიციალურად დაადასტურა. შვეიცარიელის ამ გადაწყვეტილებას სოციალურ ქსელში გამოეხმაურა 23 გზის სლემის გამარჯვებული, სერენა უაილიამსი, რომელმაც განაცხადა:
"მინდა, რომ ისეთივე დიდებული სიტყვები ვიპოვო, როგორიც შენ ხარ. შენით ყოველთვის მოხიბლული ვიყავი. შენ ეს სპორტი ბევრი ადამიანის შთაგონების წყაროდ აქციე. მოგესალმებით კარიერადამთავრებულ სპორცმენთა კლუბში. - განაცხადა ლეგენდარულმა ამერიკელმა.
შეგახსენებთ, რომ როჯერ ფედერერი სლემის 20 გზის გამარჯვებულია და იგი ჩოგბურთის ისტორიაში ერთ-ერთი ყველა ტიტულოვანი სპორტსმენია.