იტალიური გამოცემა Il Mattino-ის მტკიცებით, ხვიჩა კვარაცხელია და ნაპოლი ახალ კონტრაქტზე შეთანხმდნენ.
წყაროს მტკიცებით, ქართველი ფეხბურთელი კონტრაქტს 2029-წლამდე გაახანგრძლივებს, რაც შეეხება ფინანსურ მხარეს, ხვიჩა იტალიური გუნდისგან ყოველწლირუად 5.5 მილიონ ევროს მიიღებს.
ბონუსებმა კი შესაძლოა დამატებით 1.5 მილიონი ევრო შეადგინოს.
ცნობისთვის, ამჟამად ხვიჩა კვარაცხელიას ყოველწლიური ხელფასი capology-ის ინფორმაციით, € 1,920,000 შეადგენს.
აღსანიშნავია ის ფაქტიც, რომ კონტრაქტში ხვიჩას გამოსასყიდი თანხა არ ჩაიწერება, რაც ფეხბურთელის და მისი აგენტის მთავარი მოთხოვნა იყო.