შემოგვიერთდით

ნაპოლის ვეტერანი: "ხვიჩას გუნდის ლიდერობას ეს ერთი თვისება აშორებს"

27-08-2024, 11:53

Aa Aa

გაზიარება:

იტალიური Canale 5-ის ეთერში წამყვანებმა ნაპოლის ყოფილი ფეხბურთელი, მაურო მასიმო მიიწვიეს, სადაც მას გუნდის უკანასკნელი თამაშისა და ხვიჩა კვარაცხელიას პერფორმანსის შეფასება სთხოვეს.

როგორც მაურომ თქვა, კვარაცხელიას გუნდის ლიდერობასთან ბევრი არაფერი აშორებს, თუმცა მაინც არის ერთი თვისება, რის გამოსწორებაზეც ქართველმა უნდა იფიქროს.

თუ ხვიჩა 100%-ითაა მზად და ჯანმრთელობასთან დაკავშირებით პრობლემა არ აქვს, მას ყველგან უმაღლეს დონეზე შეუძლია თამაში, რადგან მოედანს საოცრად ხედავს და სიტუაციასაც კარგად აფასებს.

ვფიქრობ, თუ ის მსაჯებთან უფრო ნაკლებს ილაპარაკებს, ნაპოლის მთავარი ლიდერი გახდება. არბიტრებთან მუდმივი საუბარი არც მისთვისაა კარგი და არც გუნდისთვის.

- თქვა მაურო მასიმომ.

შეგახსენებთ, რომ გატანილი გოლითა და შესრულებული საგოლე პასით კვარაცხელია ბოლონიასთან მატჩში შეხვედრის საუკეთესო მოთამაშედ დაასახელეს.