შემოგვიერთდით

იტალიური გაზეთი: "კონტემ უნდა გაიღიმოს, რადგან კვარაცხელია დაბრუნდა!"

27-08-2024, 11:39

Aa Aa

გაზიარება:

La Gazzetta dello Sport-მა ნაპოლის მწვრთნელის, ანტონიო კონტეს რთული სიტუაციის შესახებ დაწერა. როგორც კონტემ რამდენიმე დღის წინ თქვა, ნაპოლიში ბევრი რამ მოსალოდნელზე დაბალ დონეზე აღმოჩნდა, წინ კი სამუშაო თავზესაყრელად იქნება.

პირველ თამაშში განადგურების შემდეგ კონტეს ნაპოლიმ სრული შემოტრიალება გვიჩვენა და კვლავ 3-0 ითამაშა, ოღონდ ამჯერად მოიგო, ამ მოგების მთავარი მოქმედი პირი კი ჩვენი ხვიჩა კვარაცხელია იყო.

იტალიურმა გაზეთმა სწორედ ამაზე გაამახვილა ყურადღება. მათ დაწერეს, რომ კონტეს ამოსუნთქვა და მოშვება შეუძლია, რადგან ქართველი მოედანს ძველებურად დაუბრუნდა.

კონტეს შეუძლია, რომ მოდუნდეს და გაიღიმოს, რადგან კვარაშოუ დაბრუნდა! ქართველმა სუპერდონეზე შეასრულა ყველაფერი როგორც საგოლე პასის გაკეთების, ისე გოლის გატანის დროს. ხვიჩა კვარაცხელია თავისი ნიჭის გამოვლენას კვლავ აგრძელებს და მარადონაზე შეკრებილ პუბლიკას კოცნას კვლავ უგზავნის.

- წერს გამოცემა.

შეგახსენებთ, რომ ხვიჩა კვარაცხელიას იტალიის ლიგის საწყის 2 ტურში 1 გოლი და 1 საგოლე გადაცემა აქვს.