"სიტყვები ზედმეტია, ამ კაცს ვენაცვალეთ მთელი საქართველო" - ლაშა ბექაური მეშვილდიშვილზე

11-08-2024, 10:47

Aa Aa

გაზიარება:

რიოს (ბრინჯაო) და ტოკიოს (ვერცხლი) ოლიმპიადების შემდეგ, გენო პეტრიაშვილმა მიზანს მიაღწია, და პარიზის 2024 წლის ოლიმპიადაზე ოქროს მედალი მოიპოვა.

ფინალამდე, ქართული ნახევარფინალი გაიმართა, სადაც პეტრიაშვილმა აზერბაიჯანის სახელით მოასპარეზე გიორგი მეშვილდიშვილი დაამარცხა (7:0) - გენოს ფინალში გასვლის შემდეგ კი მეშვილდიშვილი რეპეშაჟში გადავიდა და ბრინჯაოს მედალიც მოიპოვა.

კვარცხლბეგზე, დაჯილდოების დროს, მეშვილდიშვილი გენო პეტრიაშვილს შეუერთდა და საქართველოს ჰიმნი მასთან ერთად მოისმინა - აღნიშნულ ფაქტს კი სოციალურ ქსელში ოლიმპიური ჩემპიონი ლაშა ბექაურიც გამოეხმაურა:

"სიტყვები ზედმეტია - ამ კაცს ვენაცვალეთ მთელი საქართველო", - წერს ბექაური ინსტაგრამზე.