შემოგვიერთდით

"წინადადებები მივიღეთ" - ვალენსიაში მამარდაშვილის გასაყიდად ემზადებიან

8-08-2024, 16:49

Aa Aa

გაზიარება:

ბოლო პერიოდში საკმაოდ ბევრი იწერება იმის შესახებ, რომ გიორგი მამარდაშვილმა ამ ზაფხულს ვალენსია უნდა დატოვოს, ქართველის მსურველთა რაოდენობა კი არც ისე მცირეა.

უკანასკნელ დღეებში მამარდაშვილს ყველაზე ხშირად ლივერპულს უკავშირებენ, რომელსაც ქართველისადმი გეგმა უკვე შემუშავებული აქვს. მერსესაიდულ კლუბში აპირებენ, რომ მამარდა 1 წლით ბორნმუთში გაანათხოვრონ, შემდეგ კი გუნდიდან წასული ალისონი თავიდან ბოლომდე ქართველი კარის დარაჯით ჩაანაცვლონ.

ის, რომ მამარდას მიმართ ინტერესი დიდია, ვალენსიაში დღეს დაადასტურეს. ესპანური კლუბის სპორტულმა დირექტორმა, მიგელ ანხელ კორონამ პრესკონფერენცია გამართა და აღნიშნა, რომ გიორგის სანაცვლოდ ვალენსიამ 2 წინადადება უკვე მიიღო.

გიორგი მამარდაშვილის სანაცვლოდ რამდენიმე წინადადება უკვე მივიღეთ, თუმცა უარის თქმა მოგვიწია როგორც ერთზე, ისე მეორეზე. მიუხედავად ამისა, ჩვენი მიზანი ისაა, რომ ფინანსურად მოვძლიერდეთ, თუმცა თუ წინადადება შესაფერისი წონის არ იქნება, მასზე მუდმივად უარს ვიტყვით.

- თქვა კორონამ.

მოკლედ, ვალენსიას ფულის შოვნა სურს, თუმცა არა იმდენად, რომ მამარდა კაპიკებში გაასხვისოს. კლუბის პრეზიდენტის თქმით, ქართველი მინიმუმ 40 მილიონ ევროდ ფასობს, ამ ფასის დაბლა კი შეთავაზებები ყოველთვის დაიბლოკება.