საქართველომ სადებიუტო ევროპის ჩემპიონატზე ბრწყინვალედ იასპარეზა და გულშემატკივართა გულებიც მოიგო, რაც იმას ნიშნავს, რომ ქვეყანაში ფეხბურთით დაინტერესება გაიზარდა.
ამაზე მეტყველებს საზოგადოებრივი მაუწყებლის გამოქვეყნებული სტატისტიკაც, რომლის თანახმადაც 26 ივნისიდან - 30 ივნისის ჩათვლით, ნაკრების ისტორიულ ასპარეზობას პირველი არხის ეთერში 4 923 253 ადამიანმა უყურა, პირველი არხი სპორტზე 572 431-მა, ხოლო ონლაინ სტრიმინგზე 3 600 000 კაცმა.
როგორც მოსალოდნელი იყო, ყველაზე მეტი მაყურებელი პორტუგალიასთან გამარჯვებას და ესპანეთთან მერვედფინალურ ეტაპზე განცდილ მარცხს ჰყავდა.