თურქეთის სუპერ ლიგის მე-18 ტურში ამავე ქვეყნის საფეხბურთო კლასიკა, ფენერბაჰჩე - გალათასარაი შედგა, რომელსაც სკანდალის გარეშე არ ჩაუვლია.
შეხვედრის ერთ-ერთ ეპიზოდში მაურო იკარდი ფენერის საჯარიმოში დაეცა, მიზეზი კი ის გახლდათ, რომ მას მეტოქე გუნდის მცველმა სახეში ხელი მოარტყა, თუმცა გალათასარაიმ პენალტი არ მიიღო და მატჩი 0:0 დასრულდა.
ამის შესახებ მოგვიანებით გალათასარაიმ საგანგებო განცხადება გააკეთა და იმ ხალხს სამარცხვინო უწოდა, ვინც თურქეთის ლიგა ასეთ მდგომარეობამდე მიიყვანა:
"მათ, ვისაც მხოლოდ საკუთარი თავისთვის სურდა სამართლიანობა, მატჩის შემდეგ თურქულ არხებზე განაგრძო მანიპულირება. ჩვენ გვრცხვენია იმ მომენტის გამო, რომელიც სამსაჯო კომიტეტმა, VAR-ის ოთახმა და 26-მა კამერამ ვერ დააფიქსირა. ვიმედოვნებთ, რომ მათ, ვინც თურქული ფეხბურთი აქამდე მოიყვანა, ერთ დღესაც ძალიან შერცხვებათ", - დაწერა გალათასარაიმ