ყველას რეკორდი მოხსნა - ოსიმენის უნიკალური მიღწევა თურქეთში

გუშინ, 11:47

Aa Aa

გაზიარება:

თურქეთის თასის ფინალში სტამბოლის გრანდმა, „გალათასარაიმ“, მნიშვნელოვანი გამარჯვება იზეიმა — კლუბმა „ტრაბზონსპორი“ 3:0 დაამარცხა და ტურნირში რიგით მე-19 ტრიუმფს მიაღწია.

გოლის გატანით თავი ორჯერ ვიქტორ ოსიმენმა გამოიჩინა, კიდევ ერთი ბურთი ბარიშ ილმაზის ანგარიშზეა.

ოსიმენისთვის ეს მატჩი განსაკუთრებული აღმოჩნდა — ნიგერიელმა თავდამსხმელმა სეზონში 35 გოლი დააგროვა და თურქული ფეხბურთის ისტორიაში პირველი ლეგიონერი გახდა, ვინც ამ მაჩვენებელს მიაღწია. ამით მან ახალი რეკორდი დაამყარა და გულშემატკივრებისგან აპლოდისმენტებიც დაიმსახურა.

გარდა თასისა, „გალათასარაი“ სუპერლიგის ტიტულისკენაც მტკიცედ მიიწევს და დიდი ალბათობით მომავალ სეზონში ჩემპიონთა ლიგაზეც ვიხილავთ. გუნდისთვის სეზონი წარმატებით მიდის როგორც შიდა, ისე საერთაშორისო ასპარეზზე.