ჩემპიონთა ლიგის მეორე ტურის შეხვედრაში ლივერპულმა საკუთარ მოედანზე ბოლონიას უმასპინძლა და მეტოქე 2:0 დაამარცხა.
აღნიშნული შეხვედრის 75-ე წუთზე თავი გოლით მერსესაიდული კლუბის ეგვიპტელმა შემტევმა მოჰამედ სალაჰმა გამოიჩინა, რითაც ამ ტურნირზე აფრიკელ მოთამაშეთა შორის საუკეთესო ბომბარდირი გახდა.
ამჟამად სალაჰს ჩემპიონთა ლიგაზე 45 გოლი აქვს გატანილი, მეორე ადგილს კი ლონდონის ჩელსის ყოფილი თავდამსხმელი დიდიერ დროგბა (44) გოლით იკავებს.