შემოგვიერთდით

წარმატებული გზა გრძელდება - ნიკოლოზ ბასილაშვილი ბორდოს ჩელენჯერის ფინალშია

17-05-2025, 23:09

Aa Aa

გაზიარება:

საქართველოს პირველი ჩოგანი ნიკოლოზ ბასილაშვილი ბორდოს ჩელენჯერზე წარმატებულ ასპარეზობას განაგრძობს და უკვე ფინალში იმყოფება. ბასილაშვილმა ტურნირის ერთ-ერთი მთავარი ფავორიტი, ნიდერლანდელი ტალონ გრიკსპოორი ნახევარფინალურ ეტაპზე დამაჯერებლად დაამარცხა — 6:4, 6:0.

გამარჯვებამდე ქართველმა ჩოგბურთელმა კიდევ ორი რთული მეტოქე ჩამოიშორა გზიდან. მეოთხედფინალში ბასილაშვილმა ტურნირის პირველ ნომრად განთესილი, ამერიკელი ბრენდონ ნაკაშიმა სამ სეტში დაამარცხა — 2:6, 7:6, 6:3, რითიც საკუთარი კლასი და გამძლეობა კიდევ ერთხელ დაამტკიცა.

ბორდოს ჩელენჯერის ფინალი 18 მაისს, თბილისის დროით 17:00 საათზე გაიმართება. ბასილაშვილის მეტოქე ფრანგი მპეტში პერიკარია, რომელიც საკუთარ ქვეყანაში ითამაშებს გადამწყვეტ მატჩს.

ქართველი ჩოგბურთელი საკმაოდ დამაჯერებლად გამოიყურება ბორდოში და მასზე მხოლოდ ერთი ნაბიჯი აშორებს ამ ტურნირის მოგებამდე, რაც მისი კარიერისთვის მნიშვნელოვან დაბრუნებას შეიძლება ნიშნავდეს.