ჰასბულა მაგომედოვმა ილია თოფურია გამოიწვია

დღეს, 11:20

Aa Aa

გაზიარება:

ცნობილმა ინტერნეტპერსონამ, ჰასბულა მაგომედოვმა, რომელიც სოციალურ ქსელებში განსაკუთრებით ტიკტოკსა და იუთუბზე დიდი პოპულარობით სარგებლობს, ქართველი მებრძოლი ილია თოფურია საჯაროდ გამოიწვია.

მან ამის შესახებ განცხადება "X"-ის (ყოფილი Twitter) პლატფორმაზე გააკეთა, სადაც თოფურიას UFC-ის საჩემპიონო ქამარზე ბრძოლის კონტექსტში მიმართა:

„ილია, თუ ჩემპიონობა ნამდვილად გსურს, მზად ვარ. დენა, გამომიგზავნე კონტრაქტი. მსუბუქი წონის ქამარი დაღესტანში უნდა დაბრუნდეს,“ — წერს მაგომედოვი.

აღსანიშნავია, რომ ილია თოფურია რეალურ შანსს იღებს UFC-ის ჩემპიონობისთვის: ის 28 ივნისს (თბილისის დროით — 29 ივნისს) დაუპირისპირდება ჩარლზ ოლივეირას, ბრძოლა კი UFC 317-ის ფარგლებში გაიმართება.