ლეგენდარულმა იტალიელმა სპეციალისტმა, ფაბიო კაპელომ "ნაპოლისა" და "მილანის" დაპირისპირების წინ სხვადასხვა თემასთან ერთად, მოკლედ ისაუბრა ხვიჩა კვარაცხელიაზეც:
კაპელო ფიქრობს, რომ ხვიჩა ძალიან მაგარია, მაგრამ ნაპოლისთვის გადამწყვეტი ფეხბურთელი არა ის, არამედ ნიგერიელი თავდამსხმელი ვიქტორ ოსიმენია.
"კვარა კარგია, ძალიან კარგი, მაგრამ ჩემი აზრით, ნაპოლისთვის გადამწყვეტი მოთამაშე არ არის. ასეთი ოსიმენია, სამწუხაროა, რომ "მილანის" წინააღმდეგ მსგავს დიდ მატჩში ვერ ითამაშებს" - თქვა იტალიელმა სპეციალისტმა.
ცნობისთვის, ნეაპოლელთა ქართველ ვარსკვლავს მიმდინარე სეზონში ყველა ტურნირზე 11 შეხვედრაში 3 გოლი აქვს გატანილი, 4-ჯერ საგოლე პასი გააკეთა და ორჯერ პენალტი მოიპოვა. "ნაპოლისა" და "მილანის" დაპირისპირებაზე 29 ოქტომბერს, 23:45 საათზე დაიწყება.