NBA-ს გუნდები ახალი სეზონისთვის ემზადებიან და წინასასეზონო მატჩებს ატარებენ. აღსანიშნავია, რომ ზოგიერთი გუნდი არაამერიკულ გუნდებსაც უპირისპირდებიან, მათ შორის კი ორლანდო მეჯიქიცაა.
გოგა ბითაძის მეჯიქი ფლამენგოს დაუპირისპირდა და 109:76 დაამარცხა, ხოლო ქართველ ცენტრს საკმაოდ სოლიდური პერფორმანსი ჰქონდა.
ბითაძემ პარკეტზე თითქმის 22 წუთი გაატარა, ამ დროში 11 ქულა, 5 მოხსნა, 4 ასისტი, 2 დაფარება და 1 ჩაჭრა დააგროვა.
ახალ სეზონს მეჯიქი 26 ოქტომბერს, ჰიუსტონ როქეთსის წინააღმდეგ დაიწყებს.