ნიკოლა იოკიჩმა NBA-ში ტრიუმფალური სეზონის შემდეგ მსოფლიო ჩემპიონატზე ასპარეზობა იუარა, თუმცა სერბებმა მაინც შეძლეს მსოფლიო ჩემპიონატის ფინალში გასვლა და 1 ნაბიჯი დააკლდათ ჩემპიონობამდე.
როგორც ირკვევა, ფინალში მარცხის შემდეგ დენვერ ნაგეთსის ცენტრმა 2024 წლის ოლიმპიადაზე თამაში გადაწყვიტა. აღნიშნული ინფორმაცია სერბების თავკაცმა, ბოზდარ მალიკოვიჩმაც დადასტურა.
მალიკოვიჩის თქმით, იოკიჩს სურს კიდევ ერთი ოცნების - ოლიმპიადის ჩემპიონობის ასრულება.
ცნობისთვის, 2024 წელს პარიზში უძლიერესი შემადგენლობით იასპარეზებს ამერიკის შეერთებული შტატებიც - ამერიკელებს მსოფლიო ჩემპიონატზე წარუმატებლობის შემდეგ პრესტიჟის აღდგენა უნდათ.