გერმანიის ბუნდესლიგის გასულ, მე-7 ტურში "დორტმუნდმა" საკუთარ მოედანზე ბერლინის "უნიონი" 4:2 დაამარცხა.
ვეტერანმა მატს ჰუმელსმა მოედანზე 72 წუთი დაჰყო და მეტად მნიშვნელოვანი რეკორდიც შემოგვთავაზა, რაც იმაში მდგომარეობს, რომ 34 წლის მცველმა გერმანულ კლუბთან ერთად 207-ე მატჩი მოიგო.
აღნიშნულ რეკორდს აქამდე 206 ჩატარებული შეხვედრით მიქაელ ცორკი ფლობდა.
გერმანელი მცველი "შავ-ყვითლებს" 2019 წელს, მიუნხენის "ბაიერნიდან", 3 წლიანი "განშორების" შემდეგ დაუბრუნდა.
ბუნდესლიგაში ჩატარებული 7 ტურის შემდეგ, "დორტმუნდი" 17 ქულით მეოთხე ადგილს იკავებს და "ლევერკუზენს" (19), "შტუდგარტს" (18) და "ბაიერნს"(17) ჩამორჩება.