გიორგი შერმადინის ტენერიფემ ესპანეთის ჩემპიონატში პირველი გამარჯვება მოიპოვა. 3 მარცხის შემდეგ ტენერიფელებმა შინაურ კედლებში, რიო ბრეგანთან ითამაშეს და მეტოქეს 88:81 სძლიეს.
გიორგი შერმადინი სასტარტო ხუთეულში იყო და მოედანზე 31 წუთი გაატარა. გამოცდილმა ცენტრმა 8-დან 4 ორქულიანი და 8-დან 7 საჯარიმო ჩააგდო. მის ანგარიშზე 15 ქულა, 9 მოხსნა და 1 პასი იყო. საერთო სარგებლიანობით შერმადინმა და აბრომაიტისმა თანაბარი შედეგი (20) აჩვენეს.
შერმადინის გუნდი მომდევნო ტურში ლიგის, ამჟამად 3-დან 3 გამარჯვების მქონე ჟირონას შეხვდება და მნიშვნელოვანი ქულების მოპოვებას შეეცდება.