პეპ გვარდიოლას "მანჩესტერ სიტი" ნამდვილ მონსტრად ჩამოყალიბდა, რომელიც ბოლო წლებში მუდმივად პრემიერ ლიგის ფავორიტად ითვლება.
ეტიჰადელთა მიმართ თავის სიმპატიებს ვერც ალან შირერი მალავს - ინგლისელი ლეგენდის თქმით, ის დიდი სიამოვნებით მოირგებდა მანჩესტერელების მაისურს:
"მანჩესტერ სიტიში თამაშს ვისურვებდი, რადგან ეს ნიშნავს გოლებს, გოლებს და კვლავ გოლებს.
შეხედეთ ერლინგ ჰოლანდს - უდავოა, რომ ის ძალიან მაგარი ფეხბურთელია, მაგრამ "სიტი" მას საოცარ მომენტებს უქმნის. ასე რომ, ჩემს სასურველ გუნდად "სიტის" დავასახელებდი, იქ წარმატება და ბევრი გოლი გარანტირებულია", - განაცხადა შირერმა.