დი კანიო: "საგანგაშოა, რაც ოსიმენმა გააკეთა"

25-09-2023, 23:40

Aa Aa

გაზიარება:

"ნაპოლიმ" "ბოლონიასთან" მორიგი ქულები გაანიავა, ვიქტორ ოსიმენმა კი აღნიშნულ შეხვედრაში ხვიჩა კვარაცხელიას მიერ მოპოვებული თერთმეტრმეტრიანი გააფუჭა.

რუდი გარსიამ ხვიჩა კვარაცხელიაც და ვიქტორ ოსიმენიც მოედნიდან ნაადრევად გაიყვანა, ხოლო ამ უკანასკნელმა უკმაყოფილება ღიად გამოთქვა, რასაც მედიაში მითქმა-მოთქმა მოჰყვა.

ყოფილმა ფეხბურთელმა პაოლო დი კანიომ ოსიმენის ინცინდენტი შეაფასა:

"ოსიმენი გუნდის ლიდერია. მას თერთმეტრმეტრიანი უნდა შეესრულებინა. ოსიმ შეცვლის დროს უკმაყოფილება გამოთქვა და მწვრთნელს მიუთითა, რა უნდა გაეკეთებინა, რაც საგანგაშო ჟესტია. ამას ლუჩიანო სპალეტის ვერც კვარაცხელია გაუბედავდა და ვერც ვიქტორი", - განაცხადა მან.