ეროვნული საკალათბურთო ასოციაციის (NBA) ოთხგზის ჩემპიონმა, გოლდენ სტეიტის გამთამაშებელმა, სტეფენ კარიმ გილბერტ არენასთან საუბრისას აღიარა, რომ საკუთარ თავს ისტორიაში საუკეთესო გამთამაშებლად მიიჩნევს.
„შენ საუკეთესო გამთამაშებელი ხარ ისტორიაში?“ – ჰკითხა არენასმა.
მცირე პაუზის შემდეგ კარიმ უპასუხა: „დიახ. მე ან მეჯიქი, ხომ ამაზეა ლაპარაკი?“
შემდეგ არენასმა აღნიშნა კარის გავლენა კალათბურთზე. მან განაცხადა, რომ „ჩვენ შეგვიძლია, შევხედოთ მეჯიქის სტატისტიკას, მაგრამ ბავშვებს სურთ, რომ სტეფ კარის ჰგავდნენ“.