ესპანურ მედიაში გავრცელებულ ინფორმაციას თუ დავეყრდნობით, "აიაქსი" ამ ზაფხულის სატრანსფერო ფანჯრის დროს ქართველი მაკარის, გიორგი მამარდაშვილის დამატებით იყო დაინტერესებული.
ესპანური წყარო Relevo ციტირებს, რომ ნიდერლანდურ გრანდს 22 წლის ფეხბურთელის დამატება ამ ზაფხულს სურდა, თუმცა შემდეგ მათი გეგმები შეიცვალა და გადაწყვიტეს, აქცენტი სხვა პოზიციების გაძლიერებაზე გაეკეთებინათ.
შეგახსენებთ იმასაც, რომ "აიაქსის" კარს რემკო პასვეერი და მარტენ სტეკელენბურგი იცავენ, რომლებიც ამ სეზონში ნამდვილად არ არიან იდეალურ კონდიციებში.