გუშინ, ჩემპიონთა ლიგის მე-4 ტურის შეხვედრაში ნაპოლიმ საკუთარ მოედანზე აიაქს უმასპინძლა და მეტოქე 4:2 დაამარცხა.
აღნიშნული შეხვედრის საუკეთესო მოთამაშედ ხვიჩა კვარაცხელია დასახელდა, რომელმაც გოლს+საგოლე გადაცემა გამოიმუშავა და მთელი მატჩის განმავლობაში აქტიური იყო.
მატჩის დასრულების შემდეგ, ქართველ შემტევზე აიაქსის მთავარმა მწვრთნელმაც ისაუბრა:
"ნაპოლი საუკეთესო გუნდია, რომლის წინააღმდეგაც ბოლო წლებში ჩემს გუნდს მოუწია თამაში.
სანჩესი? მან კარგად ითამაშა, მაგრამ კვარაცხელიას დონის ფეხბურთელის წინააღმდეგ მოუწია თამაში...", - განაცხადა ალფრედ შრიოდერმა.