კახა ცხადაძე: "დარწმუნებული ვარ, სანიოლი რუმინეთთან თამაშისას ამას ნათლად დაინახავდა" » SPORTLINE.GE - სპორტის ხაზი

კახა ცხადაძე: "დარწმუნებული ვარ, სანიოლი რუმინეთთან თამაშისას ამას ნათლად დაინახავდა"

კახა ცხადაძე: "დარწმუნებული ვარ, სანიოლი რუმინეთთან თამაშისას ამას ნათლად დაინახავდა"
4-06-2021, 20:27
Aa Aa
გაზიარება:

გადაცემა "ტაიმაუტის" სტუმარი თბილისის "დინამოს" მთავარი მწვრთნელი კახა ცხადაძე გახლდათ, მან ეროვნულ ნაკრებზე და "დინამოზე" ისაუბრა.

"ყველაფერი ფორსმაჟორში მოხდა... "დინამოში" დანიშვნამდე საქართველოში მერაბ ჟორდანია იყო ჩამოსული და საკმაოდ ვრცელი საუბარი გვქონდა."

"შემდეგ ბატონმა რომან ფიფიამ დამირეკა და "დინამოს" მწვრთნელობა შემომთავაზა. მას ვუთხარი, რომ ნემსაძესთან დალაპარაკების გარეშე გადაწყვეტილებას ვერ მივიღებდი."

"ვესაუბრე ნემსაძეს და მან მითხრა, რომ ამ ეტაპზე დასვენება სურდა, რადგან წნეხს ვერ უძლებდა... შემდეგ ველაპარაკე მერაბ ჟორდანიასაც და მან ამიხსნა, რომ ჯერჯერობით "აუსტრიაში" არაფერი არ იყო გადაწყვეტილი..."


კახა ცხადაძემ გადაცემაში საქართველოს ნაკრებზეც ისაუბრა:

"ყველა საკონტროლო თამაშს თავისი მიზანი აქვს და მე გუშინ დავინახე, რომ ვილი სანიოლს კონკრეტული მიზნები ჰქონდა."

"ფსიქოლოგიურად ახალი მწვრთნელისთვის ძალიან მნიშვნელოვანი მატჩი იყო, რადგან უკვე მე-4 შეხვედრას ატარებდა და ეს გამარჯვება ხელს შეუწყობს."

"რუმინეთი საფეხბურთო ქვეყანაა და ძალიან დიდი ტრადიციებიც აქვს... დარწმუნებული ვარ, რომ სანიოლმა რუმინეთთან შეხვედრაში არსებული მინუსები დაინახა და მის გამოსწორებაზე იმუშავებს."

"ნახეთ, მიქაუტაძე როგორი ცივსისხლიანი ფორვარდია?! - ერთი მომენტი ჰქონდა და ისიც გამოიყენა! ბრწყინვალე შთბაეჭდილება დატოვა შეცვლაზე შემოსულმა კიტეიშვილმაც."

"ახლა მგონია, რომ სანიოლი ნიდერლანდებთან უფრო იმ ფეხბურთელებს ათამაშებს, ვისაც ძირითად ბირთვად განიხილავს. ვიცი, რომ გუნდში ბრწყინვალე ატმოსფეროა და ეს საქმეს ძალიან გამოადგება", - თქვა ცხადაძემ.



კომენტარის დამატება
კოდის განახლება
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.


დღის ხაზი