იტალიის სერია ა-ს მე-7 ტურის შეხვედრაში, ნაპოლი სან სიროზე მილანს ესტუმრა და მეტოქე მინიმალური სხვაობით 1:2 დაამარცხა.
შეხვედრის 54-ე წუთზე, კვარაცხელიამ ბრწყინვალედ ითამაშა და ნაპოლის მორიგი პენალტი მოუპოვა, რომელიც პოლიტანომ გოლად აქცია.
მატჩის დასრულების შემდე, მილანელთა მთავარმა მწვრთნელმა, სტეფანო პიოლიმ ქართველ შემტევზე ისაუბრა:
"კიაერი გავიყვანე, რადგან ყვითელი ბარათი მიიღო, რაც შეეხება კალაბრიას - მას კვარაცხელიას წინააღმდეგ მოუწია თამაში და დაიღალა, წინააღმდეგ შემთხვევაში, მას არ შევცვლიდი.
დესტიმაც და კალაბრიამაც ბოლომდე იბრძოლეს, კვარაცხელია კი უბრალოდ ბრწყინვალე ფეხბურთელია", - განაცხადა მილანელთა თავკაცმა.