ნაპოლის ყოფილმა ფეხბურთელმა, ივანო ტროტამ იტალიურ მედიასთან ხვიჩა კვარაცხელიაზე ისაუბრა.
"ის არის ფეხბურთელი, რომელსაც გუნდში სამუდამოდ დავიტოვებდი. შარშან კვარაცხელიამ თავისი თავი ყველას წარუდგინა, ახლანდელი პრობლემები კი მასზეც მოქმედებს."
"ჩემი აზრით, ვისაც წასვლა უნდა, კლუბმა ისინი უნდა გაუშვას, თუმცა ხვიჩა გამონაკლისია, ის უნდა დაიტოვონ", - თქვა ივანო ტროტამ.
შეგახსენებთ, რომ მიმდინარე სეზონის სერია A-ში ქართველ ფეხბურთელს 10 გოლი და 6 საგოლე გადაცემა აქვს მითვლილი.