გიორგი მიქაუტაძეს ზედიზედ რამდენიმე დღეა რომის ლაციოს უკავშირებენ. როგორც ჩანს, საქმე მართლაც სერიოზულადაა და ქართველ თავდამსხმელს რეალური შანსი აქვს იმისა, რომ კარიერა იტალიის სერია A-ს ერთ-ერთ წამყვან კლუბში გააგრძელოს.
ამ მოსალოდნელი ტრანსფერის შესახებ სტატია გამოაქვეყნა Goal-მა, რომელმაც გიორგი მიქაუტაძის პროფილი კარგად გაშალა და ის დეტალები გამოარჩია, რაც მისი და ლაციოს შესაძლო ურთიერთკავშირს უფრო მეტად ამძაფრებს:
"გიორგი მიქაუტაძე ქართველი თავდამსხმელია, თუმცა თამაში ფლანგზეც შეუძლია. ამ ფეხბურთელის ერთ-ერთი უმთავრესი თვისება ისაა, რომ გოლებს კარგი რაოდენობით იტანს და შესანიშნავი სიმკვირცხლით გამოირჩევა."
"ქართველი ფეხბურთელის ლაციოში ტრანსფერი კლუბისთვის უმნიშვნელოვანესი უნდა იყოს. L'equipe-ს ინფორმაციის მიხედვით, მეცი გიორგი მიქაუტაძეში 20 მილიონ ევროს ითხოვს და სწორედ ესაა მიზეზი იმისა თუ რატომაც დაბლოკა ფრანგულმა კლუბმა ბარნლის 15 მილიონიანი წინადადება." - დაწერა გამოცემამ
შეგახსენებთ, რომ გიორგი მიქაუტაძე გასული სეზონის ლიგა 2-ში ტურნირის საუკეთესო ბომბარდირი გახდა და ამავე ჩემპიონატის საუკეთესო ფეხბურთელადაც დასახელდა.