2022/2023 წლების სეზონი ოფიციალურად დასრულდა, რომლის ჩემპიონთა ლიგის გამარჯვებული პეპ გვარდიოლას მანჩესტერ სიტი გახდა.
ეს სეზონი არანაკლებ წარმატებული გამოდგა ნაპოლისთვის, რომელიც ლიგის ეგიდით 1/4 ფინალში პირველად გავიდა და რომ არა უიღბლობა, შეიძლებოდა, რომ პარტენოპეი უფრო შორსაც კი წასულიყო. ცხადია, ნაპოლის წარმატებაში უდიდესი როლი ჰქონდა ხვიჩა კვარაცხელიას, რომელმაც სადებიუტო სეზონში ჩემპიონთა ლიგაზე 2 გოლი გაიტანა და 4 საგოლე პასი მიითვალა.
საგულისხმოა, რომ ქართველ ფეხბურთელს The Athletic-მა კარგი თამაში დაუფასა და ლიგის სიმბოლურ ნაკრებში მოახვედრა:
"ხვიჩა კვარაცხელია ჩემპიონთა ლიგის უკანასკნელ მატჩებში არც ისე დამაჯერებელი იყო, თუმცა მისი სტარტი და პირველი ნაბიჯები იმდენად მომხიბვლელი იყო, რომ ქართველი ფეხბურთელის სიმბოლურის მიღმა დატოვება არ შემეძლო." - წერს გამოცემის ერთ-ერთი ჟურნალისტი, კერძოდ ოლივერ კეი