პარი სენ-ჟერმენი საფრანგეთის ლიგა 1-ში უკანასკნელ შეხვედრას 3 ივნისს გამართავს, მოწინააღმდეგე კი კლერმონი იქნება.
აღსანიშნავია, რომ ამ მატჩამდე სოციალურ ქსელში პარიზული კლუბის დამრიგებლის, კრისტოფ გალტიეს კომენტარი გავრცელდა, რომელმაც ლეო მესის გუნდიდან წასვლა ოფიციალურად დაადასტურა:
"მქონდა პატივი, რომ ფეხბურთის ისტორიაში უდიდესი ფეხბურთელი გამეწვრთნა. ლიონელ მესი პსჟ-ის მაისურით კლერმონთან ბოლო მატჩს ჩაატარებს." - თქვა გალტიემ
ცნობისთვის, ესპანელი ჟურნალისტის, ჟერარ რომეროს ინფორმაციით, ბოლო დღეებში ლიონელ მესის ბარსელონაში დაბრუნების შანსები 80%-მდე გაიზარდა.