სულ ცოტა ხნის წინ დასრულდა ესპანეთის ჩემპიონატის შეხვედრა, რომელშიც ვალენსიამ რეალს უმასპინძლა და მეტოქე 1:0 დაამარცხა.
აღსანიშნავია, რომ მატჩი საკმაოდ დაძაბული გამოდგა, რომლის ბოლო წუთებზეც მაყურებელმა წითელი ბარათიც იხილა (ვინისიუსზე).
საოცრად ითამაშა გიორგი მამარდაშვილმა, რომელმაც 5 ბურთი მოიგერია, აქედან რამდენიმე ძალიან რთული, თანაც ბოლოსკენ, რის გამოც ქართველი მატჩის საუკეთესოდ დასახელდა!
ცნობისთვის, ვალენსია ამ ეტაპისთვის ლა ლიგის მე-13 პოზიციას 40 ქულით იკავებს და გასავარდნ ზონას უკვე 5 ქულით აღემატება.