როგორც იცით, ძიუდოს მსოფლიოს ჩემპიონატი კატარის დედაქალაქ დოჰაში 2 დღის წინ დასრულდა, სადაც მონაწილეობა საქართველოს ეროვნულმა ნაკრებმაც მიიღო.
აღსანიშნავია, რომ ჩვენმა ნაკრებმა 4 მედალი მოიპოვა, მათ შორის 2 ოქრო. ასეთი წარმატებული გამოსვლის შემდეგ, საკმაოდ საინტერესოა თუ რა ცვლილებები შეიტანეს მსოფლიო ძიუდოს რეიტინგში:
60 კილოგრამი - ამ კატეგორიაში გიორგი სარდალაშვილმა ბრინჯაოს მედალი მოიპოვა და რეიტინგის მე-5 ადგილი შეინარჩუნა.
66 კილოგრამი - აქ საქართველოს ვაჟა მარგველაშვილი წარმოადგენს, რომელიც ერთი საფეხურით დაქვეითდა და ახლა მეხუთე ადგილზეა.
73 კილოგრამი - ამ კატეგორიაში ლაშა შავდათუაშვილი კვლავ პირველ პოზიციაზეა.
81 კილოგრამი - აქ ჩვენს ქვეყანას ტატო გრიგალაშვილი წარმოადგენს, რომელიც, რა თქმა უნდა, თავისი ოქროს მედლით პირველ ადგილს ინარჩუნებს.
90 კილოგრამი - ამ კატეგორიაში პირველ ადგილს ოქროს მედლით ლუკა მაისურაძე იკავებს, ვერცხლის მფლობელი ლაშა ბექაური კი მეხუთე პოზიციაზეა.
100 კილოგრამი - აქ ილია სულამანიძე ლიდერია და პირველ ადგილს იკავებს, ვარლამ ლიპარტელიანი კი მეცხრე ადგილზეა.
+100 კილოგრამი - ბოლო კატეგორიის წარმომადგენელი გურამ თუშიშვილია, რომელიც მე-13 ადგილს იკავებს.