“ნაპოლის” სპორტული დირექტორის, კრისტიან ჯუნტოლის “იუვენტუსში” გადაბარგების შესახებ საუბრები იტალიურ მედიაში უფრო გახშირდა, მიუხედავად იმისა, რომ დე ლაურენტისის მთავარი საზრუნავი სწორედ ამ უკანასკნელი პიროვნების შენარჩუნებაა.
გავლენიანი გამოცემის, DAZN-ის ინფორმაციით, “ბიანკონერისა” და ჯუნტოლის შორის პირადი კონტრაქტის თაობაზე შეთანხმება უკვე მიღწეულია, რომლის თანახმადაც ის “ბებერ ქალბატონში” 3 წელი იმუშავებს.
ამავე წყაროს თქმით, ჯუნტოლი დე ლაურენტისს უახლოეს პერიოდში შეხვდება და ეცდება, გუნდთან კონტრაქტი, რომელიც 1 წელიწადში იწურება, სეზონის ბოლოს დაასრულოს.